طلبة الهاشمية يردون على خبر الدكتور و الشقق !

ردا على موضوع دكتور الجامعة الهاشمية ،،،

السلام عيكم أولا ،،، و ثانيا بحب أطلب من كل الناس و من السيد محمد الوكيل عدم تصعيد الموضوع أو الاكثار من القيل و القال قبل التأكد من صحة الكلام حيث يمكن لاي شخص أن يدخل ايا من المواقع الالكترونية باسم مستعار و يكتب ما شاء بحجة حرصه على المصلحة العامة أو الغيرة أو أي شيْ ولكن ااغرض الاساسي هو غاية في نفسه لا يعلمها الا الله و نحن هنا طالبات و طلاب السنة الرابعة بأسمائنا الحقيقية لنوضح حقيقة الموضوع و نطوي صفحته قبل ان يزيد الكلام و حسبنا الله و نعم الوكيل في من اخترعت هذه الاكاذيب :

أولا : هاي المادة فعلا موجودة و فعلا رح نلف على البيوت بس مش بهاي الطريقة المذكورة

ثانيا : هاي المادة مش أول مرة تدرس لا بالجامعة الهاشمية ولا أول مرة احنا كطلاب سنة رابعة بناخدها
يعني قبل سنتين أخدناها و بنفس الطريقة تقسمنا مجموعات صغيرة مكونة من بنت و شب (دكتور و دكتورة) أو 3
و رحنا على منطقة الهاشمية و لفينا على البيوت و هاد اللي صار معانا بالزبط :
1- أهل المنطقة جدا محافظين و طيبين و كرماء و كانوا يرحبوا فينا أجمل ترحيب خصوصا لما يعرفوا انو احنا بندرس طب و كانوا يحاولوا يسهلوا مهمتنا قد ما بيقدروا و طبعا ما بننسى جانب الكرم و الضيافة

• يعني شكوتها مس استنجاد أو صرخة وا معتصماه مثل ما تهيأ الها انها عملت بل هي اسائة لاهل المنطقة و هاد اشي احنا ما بنرضى فيه لانو احنا ما شفنا ولا بيت لا يعلم به الا الله !! (و نفسي أعرف ايش قصدها بهاي الجملة !)

2- كلمة حق لازم تنقال بحق الاطباء زملائنا الشباب :
بالحقيقة هم ما كانوا معنا الا قمة الاخلاق و الادب و التعاون من أول يوم دخلنا فيه الجامعة (و طبعا هاي الصفات تفتقر اليها البنت اللي كتبت الاعتراض )و تحولنا لاسرة واحد كبيرة الكل بيحسدنا عليها و ما عمرنا شفنا من واحد منهم تصرف مهين بالعكس تماما ، و خصوصا لما لفينا على البيوت بالعكس كشفوا عن طيب أخلاقهم و حسن البيوت اللي نشأوا فيها و كانوا يدخلوا معنا على البيوت و نعبي الاستبيان و نطلع و الكل كان يمدحنا و يشيد بتصرفاتنا
و على فكرة توزيع المجموعات كان اختياري يعني كل بنت بتختار وين و مع مين بدها تروح !! يعني ما حدا انفرض على حدا !!

• بعدين كلمة لهاي البنت اذا صار عمرك 22 سنة و ما بتعرفي تتعاملي مع المجتمع و تحمي حالك اذا لا سمح الله تعرضتي لموقف انت كيف عايشة ؟!
بكل بساطة دقوا الباب و اذا ما طلعلك أم لا تفوتي و اذا شعرت انه في اشي خطأ انسحبي من البيت بهدوء ، و ما في شب لو شو ما كان رح يسمح بخطأ من أي نوع لانو بكل بساطة مجتمعنا و شبابنا ما بيتهاونوا بهاي الأشياء بالذات
و أصلا احتمال التعرض لهيك موقف ضئيل جدا !! يعني أنا مش عارفة من وين خطر على بالها

ثالثا :
الكلمة الأخيرة هي كلمة اعتذار من دكاترتنا و كليتنا اللي ما كانوا النا إلا أهل و قدوة و مثل أعلى دائما و ما بيستحقوا الا كل الشكر و الاحترام و التقدير ، آسفين لا تؤاخذونا بما فعل السفهاء منا ، هاي البنت ما بتمثل الا نفسها و ما بتفكر لانها لو كانت بتفكر و فكرت بالضرر اللي ممكن يحصل ما كانت عملت هيك يمكن هيّ الصورة مش واضحة عندها

وهاي المادة أخدوها دفعتين قبلنا بنفس الطريقة و ما حدا اشتكى يعني ما في خطأ عليكم ، يعطيكم العافية و شكرا لانكم دائما بتستوعبوا التفكير المحدود عند البعض

آسفة اذا طولت عليكم بس الموضوع بحاجة لتوضيح كل نقطة فيه و يعطيكم العافية
و أخيرا اذا في اشي بدكم تجيرونا منه يا ريت تجيرونا من البنت اللي كتبت الرسالة

طلاب من الجامعة

• أخبار متعلقة

• أفضل سيارات مازدا في استهلاك البنزين لعام 2018

• الفاخوري يعلن تبرع بنك الأردن بمليون دينار أردني لصندوق "همة وطن"

• توفيق فاخوري يدعم صندوق "همة وطن" بمبلغ نصف مليون دينار أردني

• شاهد لحظة سقوط الطائرة الأوكرانية بعد اشتعالها في الهواء

• مدرسة الموقر ترسم أجمل منظر – فيديو وصور

• مدرسة الموقر ترسم أجمل منظر

• بـرنامـج الـوكـيـل فـي إجـازة سـنـوية

• حفرة امتصاصية في جرش .. خطرٌ يُهدد المواطنين و يُضر السياحة | فيديو