حقيقة اصابة تولين البكري بفيروس كورونا

الوكيل الإخباري _ نفت الفنانة السورية تولين البكري عبر حسابها الرسمي على موقع التواصل الإجتماعي "فيسبوك" ما تم تداوله من انباء حول اصابتها بفيروس كورونا ، وذلك بعد ان طالبت محبيها بالدعاء لها ، حيث كتبت: "أرجوكم أدعوا لي بالشفاء"، وهو ما أثار شكوك لدى متابعيها .

لتسارع بنفي تلك الأنباء من خلال منشور آخر كتبت فيه: "شكراً لكل محب قلق وسأل وتطمن عليي. شكراً من القلب بس حابة نوّه لشغلتين مهمين. حبايبي أول شي أنا ما معي كورونا حسب علمي لغاية هاللحظة أو يمكن مرت علي شي مرة وما حسيت فيها الله أعلم. فاستغربت من بعض الصفحات اللي كتبت تولين البكري تؤكد إصابتها بالكورونا. غريبة هالثقة بإعلان شيء ما حصل وإن صار وأصبت بالفايروس أكيد ما رح خبي ولا أخجل بالعكس رح أعلن لأن بكون عم فيد غيري من خلال تجربتي وخصوصا أنو هالفايروس رح يصيب نسبة كبيرة اذا ما كانوا الكل بسبب ألف قصة ولكن بنسب متفاوته حسب مناعة الجسم ويا رب ما يجربنا ولايضر مخلوق".

وأضافت: "أما بالنسبة لحقيقة مرضي فأنا تعرضت لعمل جراحي كاد يودي بحياتي وبشكل عاجل ما أدى لمكوثي بالفراش قريب الشهر ويمكن يكون أخطر من الكورونا اللي عم يتكهنوه البعض من كتر الألم اللي عم بشعر فيه. وآخر شي حابة قول أنو يا جماعة ما بيحس بنعمة الصحة الا اللي بيفقدها وفعلاً مو كلام الصحة نعمة أهم من أي شي تاني لأنو اذا راحت مابتتعوض. ف الله يحمي الكل من أي مرض ويشدكم بتوب العافية. ألف شكر لكل شخص سأل عني وبعتذر اذا ماقدرت رد عالكل لكن بالفعل الوجع كبير. محبتي".

المصدر : لها 

اظهار أخبار متعلقة