تراجع ملحوظ بعقود الزواج .. و الأردنيون يكشفون عن السبب !

كشف قاضي القضاة عبد الكریم الخصاونة عن انخفاض ظاھر وحاد بعقود الزواج المسجلة في الأردن خلال العام 2018 مقارنة مع عامي 2016 و2017.

وأشار الى أن المؤشر الاحصائي یظھر انخفاضا بمعدل 20 عقدا یومیا عن عام 2017 وبواقع 30 عقدا یومیا عن عام 2016 .

اظهار أخبار متعلقة

و قمنا بدورنا بنشر استفتاء عبر صفحة الإعلامي محمد الوكيل على فيسبوك , الصفحة الأكثر متابعة في الأردن , حيث سألنا المتابعين عبر الاستفتاء عن السبب الذي يمنع الشباب الأردني من التفكير بخطوة الزواج , و عن الأسباب التي يعزفون عن الزواج لاجلها .

و كانت النسبة الأكثر بين الخيارين لصعوبة الظروف المادية , حيث حصلت على نسبة 88 % , في حين صوت 12% من المشاركين فقط على خيار خوف الشباب من تحمل المسؤولية .

و شارك بالاستفتاء 31 ألف شخص أردني , و علق عليه 1300 شخص تباينت تعليقاتهم كالتالي :

السؤال واضح يا جماعه شو دخل الشباب والبنات واهلهم والمهور الموضوع كله انو البطاله كتيره والرواتب تحت الصفر بيت ما بتفتح كيف بنت الحلال بدها تيجي طبعا الحاله الماديه بكل اختصار

الوضع الاقتصادي في البلد البطالة والمغالاة في المهور بعدين أكثر الناس صاروا من كثر ما بتعرفوا عن طريق الشات بضيعوا وقت من وراء الاجهزة وبنسوا الزواج لانه بطل في ثقة

الوضع المادي الراتب يادوب يلحق اجار بيت ومصروف بيت وبتلاقيه مديون اخر الشهر عشان يوفر حاجات الحياه الضروريه مش الرفاهيه لمايفكرو الشباب بالمسؤليه ببطلو يتزوجو وكمان تكاليف الزواج عفش بيت وذهب وجهاز وحفله الله يكون بعون الشباب

غلاء المهور والشب لما بده عروس صار يدور على موظفه وجمال والبنت لما تكون صاحبت الوظيفه ما بعجبها اي شب بدها ذو موصفات عاليه

احنا قد المسؤوليه و زياده بس الوضع المادي زفت 220 دينار شو بدهم يعملو أجار بيت ولا مصروف بيت ولا أجار الشغل تعال علي آخر الشهر بكون مديون 500 دينار

لا والله بعض بنات هالايام ما بدهم يساعدو وطلباتهم كتيره هاد اكتر سبب ممكن يقلل الزواج #خفو_على_بعض 🤦🏼‍♀️ وفش تحمل مسؤوليه