نزار فرنسيس مخاطباً بركات: قوم ملحم قوم!

الوكيل الاخباري - نشر الحساب المخصص لمحبي الشاعر نزار فرنسيس عبر موقع التواصل الاجتماعي 'تويتر' شعرا نظمه الأخير يرثي فيه الراحل الكبير ملحم بركات بكلمات مؤثرة.اضافة اعلان


كتب فرنسيس مخاطباً ملحم بركات:

'يا شمعة الالهام غصّي وانطفي وتكسري يا قلام شعري ونشفي

أيا طرب من بعد منّو بيتسمع راح الحنون الصادق الخيّ الوفي

راح المجد لبنان ع كتافو انرفع راح اللي كان بحب الله مكتفي

راح اللي كان الزهر يحنيلو سمع صارت ورافو فوق نعشو منتفي

واهتز عرش الموهبة.. ملحم وقع قومي يا ألحانو من بعد منو وقفي

طالي النجم البيسما جبينو سطع ممنوع هالنجم اللي زرعو يختفي

تعبان سرّب قبل ترمو من الوجع ولما الأمل من طول ايامو انقطع

سكر ع حالو باب هالعمر.. وغفي..

قوم ملحم.. قوم؟؟ هيدي مش الك ليش الغفا.. نبض الحياة بيسألك

الموت يمكن بالجسد يقدر عليك لاكن صعب عن عرش فن ينزلك

انت الملك.. والمملكة باديك الابداع تاج.. بايد الله مكللك

من وقت ما غمضتن.. عينيك انطفو بعينيي كل نجمات الفبك

والفن عندي صار بعدك.. هيك كلما حدا غنى التفت صوب القبور

انطر الموت يزيح.. ويطل الملك..'