بعد إصابته بكورونا.. زوج داليا البحيري يكشف آخر تطورات حالته الصحية

الوكيل الاخباري - نشر حسن سامي زوج الفنانة المصرية داليا البحيري منشوراً مطولاً عبر صفحته على موقع التواصل الاجتماعي "فيسبوك" يكشف فيه عن تطورات حالته الصحية ومعاناته مع فيروس كورونا، ويحذر فيه من التهاون في التعامل مع الفيروس في المرحلة القادمة، حيث كتب قائلاً: "الحق أقول الكلمتين اللي عندي قبل ما تنتشروا في شوارع المحروسة .. أولًا اطمن كل أحبابي وأصحابي إني في نعمة وفضل من ربنا، ومنتظر فرجه قريبًا.. بكرة اكمل ١٤ يوم واعمل المسحة بعد بكرة إن شاء الله".

وأضاف سامي: "ثانيًا وده الأهم، اللي كان محافظ على نفسه كان بيعمل كده لأنه خايف من الكورونا مش علشان في حظر، يعني عودة الحياة التجارية إلى طبيعتها مالوش علاقة إنك تستمر تخاف على نفسك، وكمان أكتر من الأول".

وأوضح: "أنا مريت بالتجربة وأحب أقولكم إن الفيروس ده وحش قوي وأوحش من مرات كتير مرضت فيها، لأنه ببساطة بيجبر الواحد ينعزل عن العالم الخارجي ويعني تقعد على الأقل أسبوعين لوحدك تمامًا، يعني مش من حق أي حد مهما كان قريب منك إنه حتى يديلك الحضن والحنية والاهتمام اللي أي مريض بياخدهم، كله بالتليفون".

وتابع: "مش دلع والله بس بجد فيروس بيتعب الأعصاب جدًا، ومحتاج روح معنوية قوية علشان تتغلب عليه.. ونصيحة بقي من مجرب، لو سمحتم بما إن الكل هينتشر، يبقي اللي يحس بأي عرض ولو ارتفاع بسيط في الحرارة أو وجع خفيف في الحلق، ولا حتى كحة خفيفة لا تذكر.. ياريت يلتزم العزل فوراً، ويبدأ إجراءات التأكد، تحاليل وإشاعة على الصدر، لأن السيطرة بدري بتخلي المواضيع سهلة بإذن الله وبتحمي الناس اللي مخالطة لك".

وأخيراً قال سامي: "ربنا يحمي الجميع ويسترها على كل حبايبكم.. اللي عاوز يعرف أي تفاصيل يبعت يسألني وأنا تحت أمره".

المصدر: لها

• أخبار متعلقة

• الموت يُفجع الفنانة المصرية مي عز الدين

• رحيل الفنان المصري عادل الفار بعد صراع مع المرض

• ماجدة الرومي تفتتح حفلها في دبي برسالة مؤثرة للبنان

• دنماركية تخطف لقب ملكة جمال الكون لعام 2024

• لأول مرة.. كونان أوبراين يقدّم حفل الأوسكار 2025

• أحمد العوضي يرد على انتقادات تكرار أدواره الفنية

• مهرجان القاهرة السينمائي يفتتح أيام صناعة السينما

• الموت يُفجع حسين الجسمي... "فقدتك يا أعزّ الناس"