بعد وفاة هيثم أحمد زكي.. فنانة شهيرة تنجو من الموت بأعجوبة

الوكيل الإخباري _ تعرضت الفنانة الشابة ياسمين غيث "حفيدة عبدالله وحمدي غيث"، لأزمة صحية نقلت على إثرها للمستشفى حيث أنها نشرت عبر حسابها الرسمي على موقع التواصل الإجتماعي "انستغرام" صورة لها وهي ترقد على سرير في المستشفى ، بدت فيه وهي تخضع للتنفس الصناعي.

مشيرة إلى أنها شعرت بأن الموت يهاجمها، وهي على وشك التعرض لأزمة قلبية، بسبب تأثرها بخبر وفاة الفنان هيثم أحمد زكيحيث أنها طمأنت متابعيها من خلال تعليق أرفقته على الصورة قالت فيه : "أنا كويسة الحمد لله.. بس الحقيقة إن أنا النهارده الصبح كنت حرفيًا بموت " .

وأضافت : "صحيت على خبر وفاة هيثم أحمد زكي "اللي أثر فيا ووجعلي قلبي قوي من غير ماعرفه" زي غالبًا مصر كلها.. وأجبرت نفسي علي النوم تاني علشان مافكرش، وكانت دي النتيجة.. صحيت علي وجع في صدري رهيب، وجع نحية قلبي وفضل يزيد جامد قوي وضربات قلبي تعلي وتنزل في لحظة و قلت خلاص دي غالبًا يا جلطة يا heart attack في الطريق».

وتابعت : "كنت لوحدي في البيت.. وركزوا معايا في "لوحدي" دي، لحسن حظي كانت صحبتي جاية تاخدني وننزل، طلعت لي لقتني بموت حرفيًا و بقول لها "خوديني المستشفي حالًا أنا بيجيلي heart attack"، روحنا علي المستشفى ودخلنا الطوارئ وبدأوا الدكاترة يعملولي رسم قلب علي ضغط و سكر و كل الكلام ده.. النتيجة "كله طبيعي" وأنا بسرخ من الوجع وذراعي بينمل وبعيط وبفتكر كل اللي حصل لي في حياتي و بقول لهم "والنبي أنا خايفة، أنا مش عايزة أموت دلوقتي مش عايزة أسيب ابني"». 

وأضافت «يطلع عندي "panic attack" يعني " نوبة خوف.و الحمد لله جت بسيطة و ربنا ستر عليا... بس بجد الإحساس كان مميت».

كما أنها قالت بدأت أتخيل الغلبان ده "هيثم" اللي ممكن يكون حصل له حاجة شبه كده بس كان لوحده فمالاقاش اللي ينقظة و يوديه المستشفي و بدأت أفكر إن تاني ربنا بيحاول يوعظنا كلنا بحد محبوب من كل الناس».

وانهت :" الوحدة وحشة قوي يا جماعة، كفاية نحكم علي بعض من بعيد لبعيد، كفاية بعد و جفاء، كفاية كلام علي بعض، كفاية تشكيك في بعض، كفاية تناكة و قرف، كفاية كفاية......الدنيا بتخلص في لحظة و يا رب ماتخلصش بينا واحنا لوحدنا.. ربنا يرحمك يا هيثم و يرحمنا جميعًا!!!".

المصدر : أخبارك 

• أخبار متعلقة

• الوسط الفني المصري يُفجع بوفاة محمد رحيم

• الموت يُفجع الفنانة المصرية مي عز الدين

• رحيل الفنان المصري عادل الفار بعد صراع مع المرض

• ماجدة الرومي تفتتح حفلها في دبي برسالة مؤثرة للبنان

• دنماركية تخطف لقب ملكة جمال الكون لعام 2024

• لأول مرة.. كونان أوبراين يقدّم حفل الأوسكار 2025

• أحمد العوضي يرد على انتقادات تكرار أدواره الفنية

• مهرجان القاهرة السينمائي يفتتح أيام صناعة السينما