عنقروني و فشخروني * كامل النصيرات

سأعتبر نفسي مرشحاً و أوجه كلامي الأخير إلى الناخبين في يوم الاقتراع هذا ..فبعد الحمد و الصلاة ..:


مشان الله ..يلا يلا ..بسرعة بسرعة يا إخوان ..! قاعد على أعصابي ..هذا يوم الفزعة ..يا أهلي و يا عشيرتي و يا قرايبي ..يا شعر شواربي ..لا تخذلوني ..لا حدا يتخلّى عني بهيك يوم ..أرجوكم ..أنا حبيبكم ..حضرت أعراسكم ..وحضرت عزاياتكم ..حتى الطهور ما عتب عليّ وباركتُ لكم فيه ..!

يا الله قديش خايف ..وترى إذا رسبت ؛ العار مش عليّ لحالي ..رح يلحقكم طرطوشة من هذا العار ..رح يقول العزال : شوفوا فلان بن فلان ..ما قدروا قرايبه ينجحوه ..عشان هيك الفزعة الفزعة ..! مش عشاني ..عشان اسم العيلة و العشيرة ..وعشان ما تحرجونا مع عرب الشيخ يافطة و عرب الشيخ فوتوشوب و عرب الشيخ كرت فيزت ..وباقي العربان و القبايل ..!

ما قصرت معكم لا بكنافة ولا بعوامة ولا بهرايس ..فلا تقصّروا معي في تصويت ..ولا بتحشيد ..! لم أقصر معكم في تعكيش ولا تزريق ..فلا تقصّروا معي في دعم و مؤازرة .

بدّي أعنقر يا اخواني و قرايبي ..فعنقروني ..طولوا رقبتي الله يطول رقبتكم يوم القيامة ..! أرجوكم لا تخلوا رقبتي قد السمسمة ..أريد أن أتفشخر على خلق الله ..ففشخروني فشخروني ..!

مشان الله ..نفسي أغيّر رقم موبايلي ..فساعدوني على ذلك ..!!

• أخبار متعلقة

• أفضل سيارات مازدا في استهلاك البنزين لعام 2018

• الفاخوري يعلن تبرع بنك الأردن بمليون دينار أردني لصندوق "همة وطن"

• توفيق فاخوري يدعم صندوق "همة وطن" بمبلغ نصف مليون دينار أردني

• شاهد لحظة سقوط الطائرة الأوكرانية بعد اشتعالها في الهواء

• مدرسة الموقر ترسم أجمل منظر – فيديو وصور

• مدرسة الموقر ترسم أجمل منظر

• بـرنامـج الـوكـيـل فـي إجـازة سـنـوية

• حفرة امتصاصية في جرش .. خطرٌ يُهدد المواطنين و يُضر السياحة | فيديو