كمشة
- بكم بتحسبلنا الفستق الحلبي ؟
- اللوز الني ..بكم الوقية؟
خلال المساعرة نظر البائع إلى الطفل، ورغب في منحه بعض المكسرات، لعل الأم تخجل وتكف عن المساعرة وتشتري من بضاعته.
طلب التاجر من الطفل ان (يكمش) من صحن المخلوطة.
رفض الطفل أن يكمش، وحاولت الأم اقناعه لكن الطفل اصرّ على الرفض، فما كان من التاجر إلا أن كمش من المخلوطة ووضعها في جيب الطفل.
الأم استمرت في المساعرة ، ولم تشتر شيئا ، وخرجت من المحل . ولما صارت في الخارج مع ابنها ذي الجيب المتفخ بالمكسرات سالته:
- ليش يا ماما ما قبلت تمد ايدك على المسكرات؟
- ماما.... إيدي صغيرة لذلك فضلت أن يملأ التاجر كفه التي هي أكبر من كفي بكثير ... فخرجت بحصة أكبر..
(2)
- أبو مشافق .... مالك يا ابو مشافق ...بيش صافن؟؟؟
- ههه هههه هه شو بدّك يا ست شفيقة؟
- شكلك زعلان وانته امبحّر بالتلفزيون يا ابو مشافق .... شو فيه رجعت الكورونا؟؟؟؟
- لا رجعت ولا راحت.
- لعاد رفعوا سعر البنزين!
- لا ما رفعوه وبعدين ليش زعلانه-حتى لو رفعوه-ما إحنا ما عندنا سيارة اصلا؟
- أبو مشافق ترى أنا بفهم عليك..بيناتنا عشرة عمر بنرجع لموضوعنا ...ليش زعلان وانته بتطّلع ع التلفزيون؟.
- يا بنت الحلان بكون الواحد مرتاح وبتفرج على الإعلان ..ومبسوط.....هاي دعاية ببسي وهاي بسكوت أوريو ..اقوللك؟؟؟حتى دعايات مسحوق الغسيل حلوة وفيها فن ...,فجأه بنكدوا علينا .
- كيف ...شو بيصير رجعت الكورونا؟
- لا ما رجعت.... فجأة بحطّوا بالمسلسل الرمضاني. وهات استنّى تايرجعوا مرة ثانية للإعلانات.
